إفتح في تطبيق كوكبادالخطوات
- 1
نغسل الصدور كويس بالمية و الملح والخل... وقت مش طويل علشان انسجة الفراخ تبقي متماسكة.
-تفرم البصلة كويس جدا (تبقي شبه معصورة كده) او ممكن نستخدم مية البصل.
-نفرم الفلفل الأخضر وفص الثوم
-نحط الفراخ و عليها البصل (او مية البصل) + نضيف البهارات+الملح +الفلفل الاسود+ الفلفل الأخضر و الثوم + الزبادي+ نضيف رشة كزبرة بسيطة.
-معلقة زيت كبيرة. - 2
نسيب الفراخ في التتبيلة حوالي لمدة ساعة علشان الفراخ تشرب التتبيلة.
- 3
للتسوية*
-هندهن زيت خفيف شوية و بعدين نحط الفراخ بس ننضفها من التتبيلة علشان تاخد لون خفيف كده بعد كده نطلعها.
-بعد كده نحط مية التتبيلة بعد ما نطلع الفراخ...بحيث ندي التتبيلة تسوية خفيفة.
-بعدها نضيف الفراخ ونسيبها تستوي مع التتبيلة.
-نهدي النار عليها عليها و نسيبها تستوي على مهلها....لو لاحظتي ان المية بتاعتها قلت (ضيفي عليها حبة مية بسيطة)..
(الوصفة دي تنفع كمان انها بعد ما تستوي نقطع الفراخ قطع بسيطة و تتعمل ميني ساندوتشات للأطفال و عليها طحينة...هيحبوها جدا و هتبقي خفيفة) - 4
و دوقي بقي وشوفي الجمال **
كلمات ذات صلة
وصفات مشابهة
وصفات ننصحك بمشاهدتها
التعليقات