هنقطع الباذنجان و نرش عليه ملح (مش كتير-- بس علشان ينزل مايته) وبعدين نحمره.
-أثناء ما الباذنجان بيتحمر نكون بنعمل الخلطة اللي هيتحط فيها...
**الخلطة**
> هنفرم الفلفل الرومي مع الثوم كويس جداً... يبقوا ناعمين (لكن ميتعصروش)
> بعد كده نحط ملح (على حسب الاحتياج) + الكمون+الليمون+ الخل
>نقلبهم كويس جداً لحد ما الخلطة تتجانس.
> وبعد كده نطلع اول كمية من الباذنجان المتحمر في (علبة حفظ) او (طبق غويط شوية)

>>>بعدين نضيف عليهم ٣ م.ك من الخلطة..
>>>و نطلع الكمية اللي بعدها من التحمير و بردو نضيف ٣ م.ك

>>> هنكرر الخطوة لحد ما نحمر الباذنجان كله ---(ونضيف على كل كمية تطلع ٣ م.ك من الخلطة في الطبق)

>>>اخر كمية هنحمرها هنحط عليهم اخر كمية في الخلطة على باقي الطبق و نقلبهم مع بعض علشان الخلطة توصل لكل الباذنجان

*** 🤩ودوقي بقي وشوفي الجمال🤩***