प्रथम एका बाउल मध्ये 2 कप तांदळाचे पीठ, बारीक चिरून घेतलेले 2 मध्यम आकाराचे कांदे, बारीक चिरून घेतलेल्या 2 हिरव्या मिरच्या,बारीक चिरून घेतलेली 5-6 कडिपत्ता पाने, बारिक चिरून घेतलेली कोथिंबीर, 1छोटा चमचा जीरे, चवीनुसार मीठ.

मग त्यात थोडे थोडे पाणी घालून, पीठ चांगले मिक्स करून घेतले. हे पीठ पातळसर असावे. झाकण ठेवून बाजूला ठेवून दिले.

एका कढईत 2 चमचे तेल घालून, त्यात 1/2कप शेंगदाणे मंद गॅसवर भाजून घेतले. मग त्यात 7-8 लसूण पाकळ्या, 2 सुक्या लाल मिरच्या,1/2 कप फुटाणा डाळ, हे सर्व मंद गॅसवर भाजून घेतले. व एका प्लेट मध्ये काढून घेतले.

मग तडका पॅन मध्ये 1मोठा चमचा तेल घालून, त्यात 1/2 चमचा मोहरी,1/2 चमचा जीरे, तडतडल्यावर त्यात 1चिमूट हिंग, 1 छोटा चमचा उडीद डाळ, 7-8 कडिपत्ता पाने, 1सुकी लाल मिरची घालून हा तडका चटणी मध्ये घालून मिक्स करून चटणी तयार.

आणि चटणीचे साहित्य थंड झाल्यावर, मिक्सर मध्ये, घालून त्यात थोडी चिंच, चवीनुसार मीठ, 1कप पाणी घालून चटणी बारीक वाटून घेतली. आणि एका बाउल मध्ये काढून घेतली.

नंतर डोस्याचे पीठ चांगले ढवळून, जर मिश्रण घट्ट असेल तर थोडे पाणी घालून पीठ थोडे पातळ करून घेतले. मग तव्याला कांद्याने थोडे तेल लावून, त्यावर डोस्याचे पीठ घालताना चांगले, मिक्स करून तव्यावर कडेने घालून,
मग मध्ये पीठ घालून डोसा वरच्या बाजूने भाजल्यावर, त्यावर तेल घालून, व बाजूने सुद्धा तेल सोडावे. व तवा गॅसवर सर्व बाजूने फिरवून डोसा चांगला भाजून घेतला. आणि दुसऱ्या बाजूने सुद्धा भाजून घेतला.

आता सर्व्ह करण्यासाठी तयार आहेत आपले गरमा गरम तांदळाच्या पिठाचे, कुरकुरीत, झटपट बनणारे डोसे. हे डोसे चटणी बरोबर खूप सुंदर लागतात.