نبدا بسم الله ونجيب طنجرة نحط فيها الزيت ونحط نصف صدر دجاج ونقليه مليح و نضيف عليه بصل وسنات ثوم مرحيين ونحط الملح و الفلفل الاسود والزنجبيل والعكري الحلو والملح و من نقلي مليح ثم نضيف الحمص ونواصل القلي مليح ثم نمرق بالماء الساخن

بعدما مرقت بالماء والفت الطنجرة حتى تطلب الدجاج نحي نصف صدر دجاج ونحط فالاشوار بعد مافتتو ونقوم برحيه ونحطو في صحن زجاجي

في نفس الاشوار نحط 2بيض وقطع كبيرة من الجبن الطري ومرحي مليح ثم نضيف كمية من المرق ونعاود نرحي مليح ثم نضيف الخليط لي رحيتو على الدجاج المرحي ونخلطو مليح ثم نجيب مول يدخل الفرن نفرغ فيه الخليط تاعي

بعد ذلك نحط جبن مبشور من فوق وندخلو الفرن يطيب من تحت حتى ينشف مليح ونشعلو من فوق يتحمر ثم اختياري نقلي حبة بطاطا

فالاخير نقسم طاجين الجبن بعد مابرد ونقدمو في صحن التقديم مع بطاطا مقلية وكمية من المرق والحمص

الشكل النهائي لطبق تاعي جاء بزاااف بنين وخفيف نتمتا تجربوه