الدوارة (البكبوكة)
طبق تقليدي جزائري نجده فالأعراس و العقيقة و المناسبات وخاصة عيد الاضحى 🐏😅طبخة اليوم على طريقة امي الله يحفضها .
الدوارة (البكبوكة)
طبق تقليدي جزائري نجده فالأعراس و العقيقة و المناسبات وخاصة عيد الاضحى 🐏😅طبخة اليوم على طريقة امي الله يحفضها .
إفتح في تطبيق كوكبادالخطوات
- 1
نغسل الكرشة ملييح ونديرها فقدرة تغلي ونضيفلها الفلفل اسود والكمون و حبة قارس مقسومة و ورقتين رند باه يروحولها الريحة و نخليها تغلي مليح.
- 2
بعد ما تغلي الكرشة مليح نقطعها كاريات صغار ونيرها فالكوكوط ونضيفلها البصل و الكورجات و اللفت و الرند القرفة و االفلفل والكمون و الغرنوق(الرئة) الثوم العكري ونضيفلها الملح و 3مغارف زيت و القصبر و نقليههم على نار هادئة
- 3
بعد ما تتقلى وتتبنن نمرقها بنص ريتلا ماء (حسب الحاجة) ونضيف مكعب جامبو وندير الحمص يطيب معاها.
- 4
بعد ما تطيب الخضرة و الحمص حطي زوج مغارف طماطم مصبرة و خلطي مليح وارمي المعدنوس تاعك و النعناع باه تتبنن وخليها تكمل تطيب على نار هادية.
- 5
و تقدميها و طبق و تزينيها بالطريقة لي تحبيها وحطيلها برج قارص و شهية طيبة للجميع🥰
كلمات ذات صلة
وصفات مشابهة
وصفات ننصحك بمشاهدتها
التعليقات