प्रथम एक लिटर दुधातील एक कप दूध काढून घेऊन बाकीचे गॅसवर उकळत ठेवले. दूध उकळायचे पातेले हे जड बुडाचे असावे नाहीतर खाली तवा ठेवावा म्हणजे दूध खाली करपणार नाही. व गॅस लो टू मिडीयम असावा.

आता गॅसवर दुसऱ्या साईडला पॅनमध्ये साखर घेऊन ती मंद गॅसवर वितळू द्यावी ती वितळायला लागल्यावर मगच हलवावे. व साखर पूर्ण वितळून तिला ब्राऊनिश रंग आल्यावर गॅस बंद करावा हे आपले कॅरमल तयार झाले.

आता ते कॅरॅमल लगेचच उकळत्या दुधात हळूहळू घालत मिक्स करावे दूध सतत हलवत राहावे कॅरमल घातल्यावर दूध फेसाळून वर येते म्हणून थोडे थोडे घालून हलवत राहावे. त्यात केशर काड्या व थंडाई मसाला ही घालावा.

कॅरमलने दुधाला छान कलर येतो. आता काढून ठेवलेल्या एक कप दुधात मिल्क पावडर मिक्स करून ती वरील मिश्रणात घालावी व दूध आटेपर्यंत सतत हलवत राहावे मिश्रण घट्टसर झाल्यावर गॅस बंद करून त्यात वेलची जायफळ पूड घालावी.

आता तयार मिश्रण थंड झाल्यावर कुल्फी मोल्ड व लहानशा मडक्यात घालून ते फ्रीजर मध्ये सेट करण्यासाठी ठेवावे. नंतर कुल्फी मोल्ड पाण्याखाली थोडासा धरून कुल्फी डिमोल्ड करून सर्व्ह करावी.

थंडाई मसाल्याची रेसिपी मी आधीच पोस्ट केलेली आहे.