في قصعة او جفنة نحط كيلات السميد والملح والسكر و الافاني ونزيد عليهم السمن يكون بارد ونبسس الكل مليح ونمحرهم باليد مليح مدة عشر دقائق ونتركو يرتاح ليلة كاملة هاذا احسن انا بسستو من الثامنة صباحا وبديت نخدم فيه ونشكل فيه الساعة الخامسة مساء

ومبعد كي نكون راح نبدا نشكل نأخذ كيلة من ماء الزهر والماء باه نشمخ بيهم ونأخذ كميةمن العجينة ونرش عليها بالتدريج ونعجن بالاصابع بلا ماندلك ونبدا نشكل فيه حربوش طويل ونحلو في الوسط كيما نعملو في المقروط ونحط في الوسط الغارس ونغلق عليه ونعدلو مليح ونطبع بالمعمول او الطابع ونقص الحبات ونعدلهم ونتركو يرتاح ليلة كاملة في الصباح نبدا نطيب حتى تبقى الحبة والشكل والرسمة معدولين مليح

وبعد مانطيبو نتركو يبرد ونعسلو ونرش عليه الجلجلان ونحطو في ليكيسات ونقدمو بالصحة ولهنا