સૌપ્રથમ એક બાઉલમાં બાજરીના લોટને ચાળી લેવો. ત્યારબાદ તેમાં નિમક નાખી જરૂર મુજબ પાણી નાખતા જઈ રોટલા માટેનો લોટ મસળી લેવો.

લોટને વધારે મસળવાથી રોટલા એકદમ સરસ બને છે.

હવે તેમાંથી એક મોટો લુવો લઈ રોટલાને હાથેથી ઘડી લેવો. હાથેથી બનાવેલા રોટલા ની મીઠાશ કાઈ અલગ જ હોય છે.

બીજી બાજુ ગેસ ઉપર નોનસ્ટીક પેન ગરમ કરવા મૂકી દેવી પેન ગરમ થાય એટલે રોટલો તેમાં નાખી દેવો.

રોટલાને બંને બાજુ સરસ રીતે શેકી લેવો નોનસ્ટીક પેનમાં રોટલા ફૂલીને દડા જેવા બને છે.

રોટલાને ડાયરેક્ટ ગેસની ફ્લેમ ઉપર નાખીને પણ ફુલાવી શકાય. હું બંને રીતે રોટલા બનાવું છું. ગરમ ગરમ રોટલા ઉપર ઘરનુ બનાવેલુ ઘી ચોપડી અને ખાડા કરી દેવા.

એવી રીતે બધા જ રોટલા તૈયાર કરી લેવા.

સર્વિંગ પ્લેટમાં લઈ સર્વ કરવા.
તો તૈયાર છે
બાજરીના રોટલા અને તુરીયા નું શાક
તુરીયા ના શાક ની રેસીપી ની લીંક મૂકી છે.