إفتح في تطبيق كوكبادالخطوات
- 1
في جفنة او قصعة نحط المكسرات كان عندي كمية من لوز وجوز رحيتهم ورحيت حتى السكر لتسهيل دوبان (مش سكر الناعم جاهز لانو فيه كمية من النشا) و بشرت الليمون وقرصة ملح وجمعت الخليط 2 ملاعق زبدة ذايبه مع البيض نحط غير بلعقل ونحك مليح حتى نتحصل على عجينة طريه معسلة نغطيها ونخليها ترتاح
- 2
نحضر العجينة هي نفسها عجينه المقلاه نحضر العجينة: نحط الفرينة نعمل في وسط حفره نحط الزبدة مع حبة بيض وقرصة ملح ونخلط ونبسس الفرينة مع الزبدة نجمع بالماء الزهر والماء وملعقة خل نتحصل على عجينة شويه شادة روحها يعني مش طريه كيما اي مثل صابلي تكون ناشفة عليها شويه ونخليها ترتاح.
- 3
نفتح العجينة في آله العجين اولا نفتحها في الرقم الأول يعني الغليظ ثم نطويها ونعاود نفتحها نكرر العمليه 3 مرات وبعدها نفتحها في الرقم 3 وبعدها في الرقم 5 (الآلة لي عندي تتوقف في الرقم 9) وبعدها نحط شويه نشا تحت العجينة لي فتحناها في الرقم 5 ونطبع بطابع المتوسط او الحجم والشكل لي تفضليه
- 4
ثم نفتح الحشو فوق ورق الطهي ومن الفوق بلاستيك غدائي على سمك 1 سم و0،5 سم ادا عملنا شكل كوكياج
- 5
ندهن قرص الاول ببياض البيض ونحط الحشو وندهن سطح الحشو ببياض البيض ونحط القرص ثم ننقش بالنقاش تحبي وادا عملتي كوكياج ندهن اطراف الحبه ببياض البيض ونلصق الطرفين ونحط حبة لوز في الوسط
- 6
بعد ما نكمل كل الكمية نترك الحلوة ليلة او على اقل 3 ساعات تنشف
- 7
ندخلها الفرن متوسط الحرارة 160 درجة من 10 إلى 12 دقيقة فقط تنشف وبعدها نحطها في عسل دافي عشر دقائق
- 8
💐عيد مبارك سعيد 💐
- 9
🌹صحة وعافيه 🌹
وصفات مشابهة
وصفات ننصحك بمشاهدتها
التعليقات