نبدا بسم الله ونجيب طنجرة نحط فيها قطع دجاج نضيف عليهم بصل مرحيةوسنات ثوم وكمشة حمص ونضيف الفلفل الاسود والملح والزنجبيل والعكري حلو وراس الحانوت والزيت ونحطها عالنار تتقلى مليح ثم نضيف م ك طماطم مصبرة ونواصل التقلية

نجيب قصعة نحط فيها رطل لسان عصفور نضيف م ك زيت ونمرق الدجاج ونخليه يطيب

نجيب كسكاس ونحط فيه لسان عصفور يفور حتى ونبقا نحرك فالعملية حتى نلقاه رجع طري

بعد ماطابلي المرق نطفي عليه ونجيب كسرونة نحط فيها كمية لسان عصفور ونضيف عليه كمية من المرق ونخليه عالنار يتحمر مليح ونطفي النار ونجيب صحن نحط فيه لسان عصفور تاعي نزينو بالحمص وقطع دجاج وحبات بيض سلقتهم نقصهم الى شرائح

فالاخير الشكل طبق تاعي جاء بزااااف بنين