نبدا بسم الله ونجيب ريسبسيون نحط فيه 3 حبات بيض ورشة ملح وسكر ناعم ونبدل نخلط مليح

ثم نضيف 2م ك معجون المشمش ونخلط ثم نحط نصف كاس زيت على شكل خيط ونخلط جيدا

نبدا نضيف فالفرينة ومعاها خميرة الحلوى ونخلط حتى نتحصل على عجينة طرية تلتصق باليد ونلمها ونخليها ترتاح 10د

نجيب سينية تدخل الفرن ندهنها بالزيت ونحط فيها العجينة تاعي ونحلها باليد ونسويها مليح ثم نجيب معجون المشمش حوالي 4م ك وندهن كامل العجينة مليح ثم نجيب كاوكاو محمص ومرحي خشين نرش على كامل العجينة ونحط جلجلانية ونسويها مليح حتى تلصق فالعجينة ونشعل الفرن من قبل يسخن وندخل الحلوى تطيب

بعد ماطابت الحلوى نشعل لها من فوق تتحمر مليح ونخرجها ونخليها تبرد ونجيب صحن نحط فيه 5 م ك معجون المشمش و2م ك عسل معاه اجلجلانية ونخلط مليح وندهن بيه سطح الحلوى تاعي كاملة ونقطعها الى مربعات

فالاخير هذا شكل الحلوى تاعي جات بزااااف خفيفة وطعمتها هايلة ماشاء الله