أقراص الزعتر الاخضر الفلسطيني💚
إفتح في تطبيق كوكبادالخطوات
- 1
بسم الله الرحمن الرحيم❤️
اول خطوة بنبلش بالعجين بنحط 7 كاسات طحين ومعلقة كبيرة خميرة فورية ومعلقة سكر كبيرة ومعلقه ملح صغيرة وبنعجنها بالمياة الدافيه😍بنعجنها لحد ما تصير ناعمة وطرية وبعدين بنحط شوي زيت زيتون وبنعجنها كمان مرة وبنغطيها لمدة 30 دقيقة✨
- 2
بنقطع بصل وبنكون مجهزين الزعتر بنحركهن مع بعض وبنضيف كاسة زيت زيتون وبنصير نعجن فيها (اختياري اذا بتحبو تضيفو سماق او شطة)
- 3
بعد 30 دقيقة من لما خلينا العجين ترتاح بنبدأ نقطع فيها قطع صغيرة او كبيرة اختياري):
بنحطها عجنب وبنبدأ ندهن عليها زيت زيتون من فوق وبنخليها ترتاح 10 دقائق✨
- 4
(بعد 10 دقائق بنجيب صينية كبيرة او اشي نقدر نفرد العجينة براحة)
داخل الصينية او الصحن الكبير بندهنها زيت زيتون وبنبدأ نفتح فيها كيف مبين بالصورة
(حاولو انو ما تشدو علي العجين عشان ما تنمزع)
وبنحط كمية من الزعتر اللي جهزناه مع البصل
وبنصير نضغط عليها✨
- 5
بعدها بنسكرها بالشكل هذا كيف مبين معنا بالصورة/وبنضيف كمان زعتر كيف مبين بالصورة
- 6
وبعدين بنسكرها بهذا الشكل /
وبنضيف كمان زعتر من فوق وبنسكرها من الجوانب كيف مبين بالصور
- 7
بعد ما نخلص منهم كلهم بنخليهن يرتاحو لمدة 30 دقيقة
- 8
بعدها م يرتاح نص ساعة بنفرد العجينة بهذا الشكل وبندهن الصينية زيت زيتون وبنحطو بالفرن
- 9
الفرن كونو مجهزين على درجة حرارة 200 من تحت وبس يبدأ يتحمر بنشغلها من فوق
- 10
بس يتسوي بنطلعها وبنغطيهن لمدة عشر دقائق وبعدها بنقدمها وصحتين وعافية❤️✨
كلمات ذات صلة
وصفات مشابهة
وصفات ننصحك بمشاهدتها
التعليقات