مملحات الضفيرة
إفتح في تطبيق كوكبادالخطوات
- 1
نبدا بسم الله ونجيب ريسبسيون نحط فيها الفرينة مع م ك سكر وم ك خميرة الخبز وم ص ملح و4م ك زيت ونخلط الكل مليح
- 2
ثم نسخن كاس حليب يكون دافئ ونضيفو دفعة واحدة ونبدا نلم العجينة ونكمل نلمها بماء دافئ حتى تتلم ونتحصل على عجينة طرية نوعا ما
- 3
نغطيها ونخليها تختمر ويعد الاختمار نشكلها حربوش ونقسمو على 5كرات نغطيهم ونخليهم يرتاحو 10د
- 4
بعد مارتاحت العجينة نرش سطح العمل بالفرينة ونحلها ونجيب طابع دائري متوسط ونقسها كما فالصورة ونجيب مول تارتولات نحط فيه دوائر العجينة ونلم بواقي العجينة ونشكلها الى خطوط طويلة ونلويها ونشكلهم ظفيرة
- 5
نحط الظفيرة حول الدائرة فالمول كما فالصورة حتى نكمل كامل العجينة لي عندي ونجيب صفار بيضة ندهن بيه الظفيرة تاعي ونجي نحضر الحشو في صحن نحط 2م ك كرام فراش مع 2م ك مايونيز ونحط عليهم 4م ك جبن طري انا استعملت موندور ونحط رشة فلفل اسود و2حبات بيض
- 6
نخلط الحشو تاعي بالبرا ميكسار مليح ثم نضيفلو ماييس وزيتون اخضر شرائح ومعدنوس مقطع ونخلط الكل مليح وانا ضفت قليل من لحم دجاج مفتت لاني مانحبش التونة واللي يحب التونة يضيف علبة تونة عوض اللحم ونخلط مليح
- 7
بعد ماتضاعف حجم المملحة تاعي نجيب الحشو ونعمر الوسط الفارغ بالحشو ونحط من فوق جبن مبشور
- 8
نشعل الفرن مسبقا يسخن ونحط المملحات يطيبو من تحت ثم نشعللهم يتحمرو من فوق ونخرجهم ونخرجهم من ليمول بسهولة ونقدمهم مع حساء او شربة جاو بزااااف خفاف زينتهم بمعدنوس مقطع وزيتون اسود
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (8)