إفتح في تطبيق كوكبادالخطوات
- 1
وحدي المكيال عامة للمكونات االسائلة والجافة انا بستخدم كوب ايكيا اللي في الصورة او اي مج عندك
- 2
قبل ما تبداي شغل سخني الفرن (لو غاز افتحية علي حرارة عالية الاول ولما تحطي الكيك هدي النار جدا - لو فرن كهرباء خليه علي ١٨٠ او ١٧٠ بدون شواية)
- 3
حتجيبي كل المكونات السائلة في الخلاط او بمضرب الكهرباء ضرب كتير لحد ما يكون في رغوه كتير وتحسي ان كله امتزج ومفيش سكر واضح
- 4
بعد كدة تنخلي الدقيق والبكنج بودر علي الخليط السابق وتكملي مزج بمضرب الكهرباء لحد ما تحسي انه بقي قوام الكيك المعروف
- 5
تجيبي حلة الكيك او اي صينية بتفضليها انا بفضل حلة الكيك دي عشان بتخلي الكيك يستوي من النص كويس وبتنفشها بسهولة المهم تدهنيها زيت فقط كويس جدا عشان الكيك ميلزقش
- 6
لو عايزة الكيك فانيليا بس حطي الخليط كله في الحلة.
- 7
لو عايزة الكيك شبه الصورة انا حطيت ربع الكمية في الحلة وبعدين زودت علي اللي باقي من الكمية كمية الكاكاو الخام وكنت مزوداه عشان الاطفال بيحبوها شيكولاته زيادة (طبعا الاهم ميزيدش اوي عشان متنشفش منك) وتكملي بمضرب الكهرباء لحد ما الكاكاو يمتزج مع الخليط كله وتصبيه بالكامل فوق خليط الفانيليا
- 8
لو عايزاها شبه الماربل كيك خلي نسبة الفانيليا اكبر وقللي خليط الكاكاو ولما تضيفي الخليط الغامق حطيه علي شكل كور في مناطق متفرقة وبالخلة وزعيه بشكل حسب زوقك.
- 9
الخبز اهم مرحلة: المفروض ياخد من ٤٠- ٤٥ دقيقة
- 10
دخلي الصينية الفرن ومتفتحيش عليها قبل ما يمر ٢٠ - ٢٥ دقيقه لو حابة تطمني لكن لو قدرتي متفتحيش قبل ٤٠ دقيقه يبقي افضل عشان تنفش اوي.
- 11
حتعرفي انها استوت من جوا انك تدخلي طرف السكينه لحد نصها لو طلعت نضيفة طلعيها من الفرن وسيبيها لحد ما تبرد ربع ساعة كدة عشان تعرفي تطلعيها من الصينية من غير ما تتكسر
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (3)