أحلى كشرى مصرى على ضمانتى وبالصور
من اجمل الأكلات اللذيذه ومش مكلفه ومليئه بالفوائد
أحلى كشرى مصرى على ضمانتى وبالصور
من اجمل الأكلات اللذيذه ومش مكلفه ومليئه بالفوائد
إفتح في تطبيق كوكبادالخطوات
- 1
أولا نسلق الحمص مع ملح وطماطمايه وكمون..وممكن ننقعه قبلها ب 6 او 8 ساعات لسرعه التسويه..
- 2
نغسل العدس ونسلقه عالنار ونحطله ملح وشويه كمون
- 3
ونقطع البصل ونضيف ملعقه دقيق وملعقه نشاء ذرة ونقلبهم ثم نحمره فى زيت ذرة أو عباد كميه وسط عشان هنستخدم الزيت فى باقى الاكل
- 4
نجيب شويه زيت ونحمر فيهم بصله صغيرة بس منحمرهاش اوى ونحط الشعريه ونقلب ونضيف الارز المغسول ونقلب ونضيف الملح ثم نغطيه بزيادة عن كميه الارز بشويه بالماء المغلى فى الكيتل مسبقا..
- 5
نسلق المكرونه النوعين مع بعض ونضيف للماء زيت و ملح وشويه كمون وممكن شويه كسبرة ناشفه وبعد ماتتسلق نصفيها ونغسلها بالماء عشان متعجنش وبعد ماتتصفى نحضر شويه من الزيت اللى حمرنا فيه البصل ونقلبها جيدا دقيقتين على النار ونضعها جانبا.
- 6
نحضر بقى الصلصه اننا نحمر بصله صغيره مع حوالى 7 فصوص ثوم بشويه كسبره ناشفه وشويه كمون بشويه من الزيت اللى حمرنا فيه البصل وبعد ماتحمر شويه نضعهم على جنب ونحضر ال4 او 5 حبات طماطم وملعقه صلصه ونضربهم فى الخلاط ونخليهم عالنار يتسبكوا ونضيف لهم البصل بالثوم اللى اتحمر وأيضا 4 فصوص مهروسين نيه بشويه كسبره لما يبدأ يغلى.
- 7
كده احنا جهزنا كل شئ نبدأ نحضر الدقه سهله ورائعه.ممكن نزود ثوم زى مانحب أنا عملت حوالى رأس ثوم أو ممكن أقل ونضيف لها ملعقه كسبره وكمون وخل وشويه من ماء سلق الحمص الشام ونرجها ونضعها فى زجاجه مياه فارغه صغيره ونخرم الغطاء...
- 8
وبكده جهزت أكلتنا نحضر طبق غويط او عميق ونضع طبقه أرز وطبقه مكرونه وطبقه عدس مصفى من الماء وطبقه حمص شام وصلصه حسب الطلب والبصل والدقه براحتنا حسب رغبة كل شخص.. وبالهنا والشفا يارب تعجبكم
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات