هنغسل الرز ونصفيه ونسيبه يصفي ميته

هنبشر البصلتين وفص توم معاهم ناعمين ونحطهم علي الرز ونحط معلقه صغيرة ملح ورشه فلفل ورشه جوزة الطيب ونقلب كويس علي البارد كدة لا تحميص ولا تشويح

هنجيب الحمام نكون غاسلينه كويس هنجيب الكبد والاوانص بتاعته ونقطعها صغير اوي ونقلبه مع الرز اللي بالبصل المتبل دة وتحشي بيه الحمام زي مانتوا متعودين من فوق من عند الرقبه ومن تحت ونقفل بالرجلين

ملحوظة منكبسش الرز عشان لما بيستوي بينفش ميطلعش بره او يفتح من الجلد وكدة انتي متكبسيش الرز وحطي كميه وادي فراغ لما الرز ينفش

تكوني حاطه مايه علي النار فيها بصلايه وشوية فصوص حبهان وورق لوري ومسمارين قرنفل وفلفل اسمر حب واول ماتغلي طبعا تملحيها وتحطي فيها الحمام وتغطي انا كنت عاملاها ف حله ضغط خد مني تلت ساعه بالظبط انتي بقي علي النار تابعي لحد ماتحطي الشوكه ف صدر الحمامايه وتلاقيه استوي

هنا لحد دلوقتي محطناش نقطه زيت ولا سمنه ف الحمام لما يستوي هنطلعه نصفيه من الشوربه ونحطه ف صينيه بايركس او طاجن كبير علي شوايه البوتاجاز يتحمر من غير ماندهنه زيت ولا اي مادخ دهنيه يادوب ممكن لو عاوزاه يحمر اوي اعصري عليه طماطمايه وتحت الشوايه ولما يتحمر قلبيه وهكذا هيبقي زي اللي ف الصورة وهتلاقيه اصلا نزل زيت كتير اووووي ف الصينيه

مممكن كمان تحطوه ف الاير فراير اللي هي قلايه من غير زيت بيبقي حلو برده وكدة كلنا حمام من غير زيت بالعكس كمان تخلصنا من شوية الدهون موجودة فيه

جربوا وهتدعولي ولا اطعم وبالهنا