أولا بنحضر القشطة لانو لازم تكون باردة وقت الحشي بتحضري حليب مخثر من قبل بنحط عالنار كاستين مي وكاسة حليب بودرة 3م ك نشا 2م ك طحين 3م ك سكر ومعلقة فانيلا ومعلقة ماء الزهر وبنحرك لحتى يجمد وبنضيف الحليب المخثر وبنحركو وبنطفي النار وبنتركو عجنب ليبرد

طريقة عجينة حلاوة الجبن نضع على النار المي لما تغلي بنحط السكر وبنحرك ليدوب وبعدين بنضيف السميد وبنحرك وأول ما يجمد شوي بنضيف الجبنة وبحرك لحتى تدوب الجبنة وتلم على بعض وتسير عجينة بنطفي النار وبنحط مستكة وماء الزهر

بتفردي عالمجلى نايلون وبتدهنيي قطر وبتحطي العجينة وبتفرديها وبتحشيها بالقشطة الي عملناها وبتلفيها رول مع النايلون وبتحطيها بالتلاجة لمدة 3ساعات وبعدين بنقطعها وبنزينها بالفيتق الحلبي وبتتقدم مع القطر وصحتين