بنسلق المعكرونة ولما تستوي بنحطها بالمصفاي

وبنحضر صلصة البشاميل وهيي معلقة ونص زبدة ومعلقتين طحين بندوب الزبدة وبنضيف الطحين وبنحرك وبنضيف كاستين حليب فاتر وبنتم نحرك لحتى يتخن بنحطلو ملح وفلفل وبنطفي النار

وهلأ الدجاج بنضيف بالطنجرة معلقين ونص زيت نباتي وبنضيف البصلة وبعدين الدجاج بنشوحهم مع بعض عشر دقايق وبعدين الفلفل الحلو والفطر وبنتركهم عالنار لحتى ينضج كل شي بنضيف الماجي والفلفل والملح والبابريكا والكاري وبتركهم دقيقتين عالنار وبنطفي

آخر شي بنضيف خلطة الدجاج للمعكرونة الي صفيناها وبنحط البشاميل عالوجه وفوقو جبنة الموزريلا وعالفرن بنحمر الوجه لحتى تدوب الجبنة وصحتين وعافية