اول شي بنخلط البيض والسكر ليتكاثف وبنحط الفانيلا و الزيت وبنخلطهم منيح

بعدين بنحط الباكينغ باودر والطحين وبنعجنهم منيح

بنترك العجينه ترتاح شزطوي و بنعمل الصوص بالخلاط بنحط الحليب والمي والكاكاو و سكر حسب الرغبه انا حطيت فنجان صغير بنخلطهم منيح بعدين بنجيب الزيت والخلاط شغال بنسكبه شوي شوي عالخليط ليجمد وبنحطه ع جنب

بنقسم العجينه وبنشكلها بالشكل اللي بدكم اياه.. و بالنص اضغطي بالاصبع بتكوّن متل حفرة صغيرة

بنحطهم بصينية ما بتلزق.. وللاحتياط حتى ما يلزقوا بندهن الصينيه شوية زيت و بنحط البسكويت متل ما شكلناه فيها

بنشغل الفرن وبنتركه ليحمى شوي بعدين بنحط الصينيه فوق بنتركها ربع ساعه تقريبا لتاخد اللون الدهبي وبنزلها تحت بنحمر الوجه وبس تبرد شوي بنشيلها من الصينيه وبنحط بالنص من صوص الشوكولا... وصحتين وعافيه 😘 كتير طيبه