هنجيب معلقتين زيت وعليهم معلقتين سكر وع النار اول ما السكر يبدأ يتكرمل ولونه يبقي بنى حلو كده مش يتحرق يعنى 😒

نقطع بصله متوسطه وننزل بيها وعليهم عود قرفه خشب وفصين حبهان وعودين قرنفل وشويه زبيب اقلب شويه وبعدين ازود الميه او الشوربه حسب الموجود عندى وممكن برضو ازود مرقه بس اقلل الملح شويه لان المرقه طبعا بتساوى معلقه صغيرة

أول ما يغلى وميته تبدأ تنشف أديله تقليبه واوطى عليه واسيبه يستوى المكسرات بقي جبت كاجو وفسدق ولوز (اللوز لو بقشره هنحطه دقيقتين بس في ميه مغليه ونطلعه على ميه ساقعه هنلاقيه بيتقشر معانا بسهوله)

طبعا شويه زبيب ونحط كله مع بعضه في نقطتين زيت ع النار ونقلب علطول لغايه ما يتحمص

اول ما الميه تغلى انزل بالرز البسمتى يكون مغسول كويس ومش لازم ننقعه ولا حاجه وكل كبايه رز هنحطلها كبايتين ميه واظبط الملح

طبعا الاساس اننا بنعمله بكبده فراخ بس ممكن برضو نغير في كل حاجه حسب الامكانيات الموجوده عندنا انا بقي مكنش عندى كبدة بس عندى لحمه مفرومه 😃 عصجتها عادى جدا وساعه الغرف جبت قالب الكيك وحطيت المكسرات وفوقها اللحمه المفرومه وفوقها الرز ويتقلب في طبق التقديم وبألف هنا وشفا 😍😍