نبدا بسم الله ونجيب ريسبسيون نحط 3بياض بيض مع رشة ملح ونحط فالاول م ك سكر ونخفق بالخلاط الكهربائي حتى تطلع شوي ونبدا نكمل 2 م ك سكر ونبقا نخفق حتى نتحصل على ميرانغ

بعد ماكملت الميرانغ نجيب ريسبسيون اخرى نحط فيها نصف لتر حليب وم ك فانيلا ونخفق الحليب مليح حتى يرجع شكل موس ويعمل فقعات كثيرة ثم نضيف عليه 50غ زبدة ذايبة

بعد ذلك نبدا نضيف فالفرينة نغربلها ونبدا نخلط مليح

ثم نبدا نضيف فالميرانغ تدريجيا ونخلط بسباتيلا على ثلاث دفعات حتى نتحصل على خليط سائل وكريمي

نجيب كمية من الشكولا الطلي نضيفلها 2م ك زيت ونحطها عالنار حتى تخفاف ثم نجيب مقلاة خاصة ليكراب وونحطها على النار ونحط العجينة بالغراف ونطيبها كيما فالصورة ثم نقلبها عالجهة الاخرى حتى تتحمر وتتقرمش مليح

نجيب صحن التقديم نحط فيه ورقة ليكراب وندهن بشيكولا الطلي وهك نكمل نفس العملية حتى نكمل كامل العجينة تبقا الورقة الاخيرة نحطها من فوق ونجيب حاجة ثقيلة ونضغط بيها على ورقات ليكراب ثم نجيب سكين ونقطعها الى مثلثات ونجيب فواكه الفراولة والموز

فالاخير نزينها بخطوط من شكولا الطلي ونقطعها جاو بزاف مقرمشين