نبدا بسم الله ونقطع الخضر من بصل وجريوات وفلفل حلو الى مربعات صغيرة ثم نجيب مقلاة ونحط فيها م ك زيت ونحطها عالنار ونحط فالاول البصل المقطع ونقليه مليح ثم نضيف عليه الفلفل الحلو وقليل من الفلفل الحار اختياري حتى يذبالو ونضيف الجريوات المقطعة ونحط عليهم الملح وم ص فلفل اسود وم ص راس الحانوت وم ص ثوم بودرة

بعد ذبالت مليح نحط عليه 3حبات طماطم مرحية او صلصة طماطم جاهزة ونخلي الكل يطيب مليح ثم نجيب حبة بطاطا كبيرة نغسلها ونقطعها مربعات ونحطها نقلليها في مقلاة اخرى

بعد ذلك نضيف البطاطا المقلية على الخضار ونحط نصف كاس ماء ونغطي ونخليها تطيب كي يقرب وقت التقديم نحط جبن طري وجبن مبشور ثم نضيف فالاخير بيضة مخفوقة مليح ونغطي ونخلي البيض يطيب ثم نطفي عليها النار

فالاخير نقدم الشكشوكة في صحن التقديم وصفة سهلة دون لحوم صيفية وسهلة التحضير