اول حاجة نعمل الكراميل..نحط السكر ع النار و عليه معلقتين المية و علي نار هادية نقلب لغاية ما يسيح خالص و يبقي شبه العسل نبعده عن النار

ونضيف القشطة و نقلب بسرعة جدا لغاية ما يتجانس كده بقي كراميل نضيف عليه نص كمية اللبن و نقلبه كويس بعدين نضيف نشا متدوب ف مية او لبن بارد و نقلب لغاية ما نوصل لقوام المهلبية نصبها ف اطباق و نحطها بشكل مائل لغاية ما تبرد اثناء ما بنجهز مهلبية الشيكولاتة

نجهز مهلبية الشيكولاتة....ندوب الكاكاو و سكر حسب الرغبة ف باقي اللبن و نرفعها ع النار لغاية ما تتجانس نضيف نشا مدوب ف مية او لبن بارد بالتدريج مع التقليب لغاية ما نوصل للقوام المطلوب ونصبها فوق مهلبية الكراميل

ندخل المهلبية التلاجة لغاية ما تبرد و تقدم باردة