نبدا بسم الله ونجيب ريسبسيون نحط فيه 2بيض ورشة ملح وم ك فانيلا ونخفق قليل ثم نضيف كاس سكر ونخلط بالخلاط الكهربائي حتى يبياض الخليط ثم نضيف نصف كاس زيت ونبقا نخفق مليح

بعد ذلك نضيف 2م ك جوز هند ونخفق مليح ثم نحط كاس حليب دافئ ونواصل الخلط مليح ثم نحط 2م ك كاكاو بنيةونخلط

بعد مااندمجو المكونات مليح نبدا نضيف فالفرينة وخميرة الحلوى ونخلط مليح

بعد ماخلطت الكل مليح نجيب مول موسكوتشو ندهنو بالزبدة ونرشو بالفرينة ونفرغ الخليط فيه ثم نضيف كمية من حبيبات الشكولا

نشعل الفرن يسخن من قبل وندخل المسكوتشو تطيب من تحت تحت تطلع وتمشف مليح ثم نشعل لها من فوق تتحمر ونخرجها ونقلبها مباشرة في صحن التقديم ونطليها بمعجون المشمش ثم نزينها بخطوط من شكولا الطلي ونرش عليها جوز الهند

فالاخير هذا شكل موسكوتشو تاعي جاء بزاف خفيفة