مسمن اسهل منو متلقاوش👍👍😋😋
هذه الوصفة جربتها من عند اخت وليت معتمظتها متخطينيش اسهل منها مكانش تبعوا الخطوات وبصحتكم.
مسمن اسهل منو متلقاوش👍👍😋😋
هذه الوصفة جربتها من عند اخت وليت معتمظتها متخطينيش اسهل منها مكانش تبعوا الخطوات وبصحتكم.
إفتح في تطبيق كوكبادالخطوات
- 1
بسم الله والصلاة والسلام على رسول الله صلى الله عليه وسلم.
- 2
في الأول نجيب إناء او قصعة نخلط فيها الفرينة والسميد والملح والزيت والخميرة ونجمعهم بالماء الدافىء حتى نتحصل على عجينة تتلاسق نعجنها خمسة دقائق ونديرها في كيس مشمخ بالماء ونخليها ترتاح نصف ساعة.
- 3
في هداك الوقت نوجد الخلطة :
ندير في إناء الزبدة والزيت والسميد ونخلطهم بالخلاط الكهربائي حتى تتجانس.
- 4
بعد نصف ساعة نجيب العجينة نعجنها دقيقتين برك وبالاستعانة والزيت نكورها كرات الحجم اختياري، كي نكمل الكمية نبدأ في الاولى نفتحها غير شوية هذي هي الميزة تاع هاذ المسمن راهي باينة في الصورة وندهنها بالخليط ونطوي الطوية الاولى
- 5
ونزيد الطوية الثانية فوق الاولى ونزيد ندهنها من بعد نطوي الجهة اليمنى وفوقها الجهة اليسرى
- 6
نديرها ترتاح ونكمل كل الكرات، نبدأ نفتح الاولى لي درتها ونديرها في الطاجين لي سخنتو من قبل
- 7
نطيبو على الجهتين والنتيجة كيما اي مثل شفتوا في الصورة صدقوني اسهل مسمن درتو في حياتي وجربتو حتى محاجب المرة الجاية نديرهالكم، لي تجربو بصحتها وتدعي لامي بالرحمة وشكرا.
وصفات مشابهة
وصفات ننصحك بمشاهدتها
التعليقات