كيكة الحليب التركية
إفتح في تطبيق كوكبادالخطوات
- 1
نضرب (البيض والفانيليا) ٥ دقائق
وبعدين نضيف (السكر) ونضرب بالمضرب الكهربائي لحد ما يتكون عندي فوم لونه فاتح.. وبعدين نضيف (الزيت) ونضرب لمدة ٣ دقائق..
- 2
ننخل (الدقيق) ونضيف عليه (البيكنج بودر ورشة ملح)... ونضيفهم للخليط السابق بالتدريج ونقلب ف اتجاه واحد
ننزل بالدقيق علي ٣ مرات وكل مرة نقلب لحد ما يختفي الدقيق
- 3
نجهز (كوب الحليب الساخن عليه الزبدة) ونضيفه لخليط الكيك
- 4
نقلب الخليط كويس ف اتجاه واحد..
- 5
في صينية مدهونة زيت وبعدين ورق زبدة..
ننزل بالخليط ونخبط الصينية علي سطح مناسب خبطتين كدا نخرج فقاعات الهوا
او نمشي خطوط بعود خشبي يمين وشمال نخرج كل الهوا
وبعدين تدخل فرن ساخن مسبقا حرارة ١٨٠ْ لمدة ٣٥ دقيقة
- 6
نختبرها بعود خشبي من منتصف الكيك عشان نتأكد انها استوت..
ونسيبها تبرد ونشيل منها ورق الزبدة..
ونجهز باقي الطبقات..
الكريمة هنعملها بالطريقة المكتوبة ع الباكيت وندخلها تجمد قبل الاستخدام عشان يبقي فردها أسهل
- 7
نجهز طبقة الكراميل..
في طاسة ع النار نحط السكر ونسيبه لحد ما يدوب علي نار هادية للمحافظة علي لونه الفاتح
لما يدوب كل السكر ننزل بالزبدة ونقلب
وبعدين النشا المذوبة ف الماء.. هنا الخليط هيتقل شوية هننزل باللبن ونقلب لحد ما يرجع يدوب تاني ويتحول لخليط متجانس من غير تكتلات ونسيبه يبرد
- 8
نعمل فتحات ف الكيك عشان نسقيها وتتشرب للحبيب كويس..
ونسقي الكيك ب ٢ كوب حليب بارد
[ ممكن نقشر وش الكيك لو الوش ناشف شوية او نقلبها ]
- 9
نفرد طبقة الكريمة فوق الكيك ولو متماسكة هننزل بالكراميل البارد
لو لسه مش متماسكة هتدخل الفريزر الاول عشان الطبقات متختلطش
[ هنشيل جزء من الكريمة ف كيس كريمة او كيس بلاستيك عشان نزين ف الاخر بخطوط كريمة ]
- 10
نعمل خطوط كريمة وبعدين نمشي بعود خشبي عكس بعض رايح جاي لحد ما يبقي الشكل ده ❤️
- 11
دي أحلي كيكة ممكن تجربوها ❤️❤️
وصفات مشابهة
وصفات ننصحك بمشاهدتها
التعليقات