إفتح في تطبيق كوكبادالخطوات
- 1
نسلق الدوالي بمي مغليه محطوط فيها معلقه صغيره ملح ليمون او نص ليمونه لحد ما يتغير لون الدوالي
- 2
بصفط الدوالي وبحشيها بالرز تكون الكميه مو كتيره من الرز وبلف الحبات.
- 3
بنحضر خلطه الارز بنحط للرز بس نغسله منيح من النشويات ونحط فوقه اللحمه والبهارات ووالملح والنعنع والبقدونس والبصل والثوم البودرة ومعلقه كبيره صلصه ودبس الرمان ونص كاسه زيت الزيتون أو النباتي وبكيت ماجي بودرة وبخلطهم كتير منيح لحد ما تتجانس كل المكونات مع بعض منيح وبتركها ع جنب..
- 4
بحفر الكوسا بخلي سماكتها من الداخل وسط عشان تتحمل تحت الدوالي وبنقعها بملح وبغسلها منيح وبعدها بحشيها بالارز الي حضرناه وبخلي مسافه بكل كوسايه لحد طرف الاصبع تكون فاضيه..
- 5
بحفر البيتنجان ولتكون سهله بالحفر بدعكها شوي بصينه لحد ما تتطرى الحبه وبعدها بقيم نص القمع الي عليها وبحفرها وبطلع كل الي جواتها ما بخلي شي عشان ما تعطي مراره بالطبخ وبس اخلص حفر الكميه بنقعهم بمي وملح لمده عشر دقائق وبعدها بغسلهم منيح وبصفيهم من المي وبحشيها رز طبعا البيتنجان مو زي الكوسا عادي ببتحمل رز يعني لازم نحشيها لحد ما تتعبى وطبعا بترك مسافه بين الرز الي حشيناه وباب البيتنجانه عشان ياخد راحته بالطبخ..
- 6
طبعا اخر شي بجيب الطنجرة الي بدي اطبخ فيها وبحط بالقاع بندورة واذا حابين تحطوا دجاج او لحمه ريش وبعدها بحط البيتنجان الي حشيناه وفوقها الكوسا واخر شي الدوالي الي لفيناه..
- 7
هلأ بحضر خلطه المرقه الي بدي أضيفها عالمحاشي ليستوي بحط بجاط دبس رمان وزيت زيتون وملح وماجي ومعلقه صلصله ما بنكتر وعصير ليمونه وبحركهم منيح وبضيف عليهم مي مقدار ٣ كاسات وبخلطهم مع بعض منيح وبعدها وبديرهم فوق المحاشي وبعدها بشوف المي لحد وين لازم تكون طالعه لفوق الدوالي بشوي وبس ازبط المي والملح بضغطها بصحن قزاز أو بالغطاي الفخاره وبحطها على نار عاليه وبس تغلي بوطي الغاز وبتركها على نار واطيه لمده ساعتين او ٣ ساعات ع حسب الدوالي وممكن بطنجرة الضغط بتاخد ساعه ونص...
- 8
ملاحظه... ممكن الاستغناء عن صلصه البندورة بس انا مو مكتره يا دوب معلقه صغيره وشغله تانيه الدوالي بدو وقت ليستوي ممكن تطبخيه بطنجرة الضغط لمده ساعه او ساعه ونص بس بدنا ننتبه للمي لانه ممكن تنشف بسرعه...
- 9
وصحتين وعافيه 💓
- 10
لا تنسوني من صالح دعائكم ❤️❤️
الكوكسناب
وصفات مشابهة
وصفات ننصحك بمشاهدتها
التعليقات