فطاير الجبنه 🥰🇵🇸
بطريقة هند همام
إفتح في تطبيق كوكبادالخطوات
- 1
هنعاير الأول تلات كوبيات دقيق ورشة ملح ونص معلقه بيكنج بودر ونقلبهم ف بعض كويس...
وهنجيب بوله ونحط فيها نص كوباية ميه دافيه ونص كوبايه لبن دافي ونزود معلقه سكر ومعلقة كبيرة خميرة وبيضه ومعلقة خل وحبة زيت هندوبهم ف بعض كويس ننزل بالدقيق اللي كنت عايرته قبل كده وهنعجن ولو احتاج منك ميه زودي أو لو احتاج دقيق بردو زودي واعجنيهم حبه حلوين لحد مانوصل لقوام متماسك وطري شويه بيلزق خفيف ف إيدك وهنغطيها ونسيبها تخمر ساعة تقريبا - 2
هنقسمها ل ٤ قطع ونبدأ نفردها كويس ونحط الحشو في جنب من العجينه بالشكل ده عشان النص التاني هنطبقه
والحشو ذي ما تحبي وحسب اللي موجود عندك
انا هنا في فطيرة حطيت فيها كاتشب وبطاطس وزيتون وجبنه موزاريلا
وفطيرة تانيه حطيت فيها جبنه وفلفل وزيتون وجبنة موزاريلا..
- 3
هنطبقها ونقفلها كويس بالشكل ده وهنعمل فيها ثقوب بالشوكه
- 4
هندهن الوش ببيض مخفوقه مع شوية لبن ونحط جبنه موزاريلا وممكن تضيفي سمسم وحبة البركة وندخلها الفرن
- 5
هندهن الصينية بزيت الاول قبل ما ندخلها الفرن
ونتأكد أنها استوت كويس من تحت واخدت لون من فوق
وده الشكل النهائي وبألف هنا 💚😋
Keywords
وصفات مشابهة
وصفات ننصحك بمشاهدتها
التعليقات