أولاً نحضر طبق عميق ونضع فيه الدقيق، والبيكنج بودر، والفانيليا، والحليب البودرة، والملح، والسكر، والسمسم ونقلب كل المكونات مع بعض كويس 😍

نضيف الزيت، والسمنة المذابة ونقلب كل المكونات مع بعض لحد لما الدقيق يتشرب كل كمية الزيت والسمنة وبعد كدة نضيف الماء ونعجن العجينة لحد لما العجينة تتشرب كل كمية الماء 😍

نحضر الحشوة نضع العجوة في طبق ونضع عليها القرفة والسمنة ونعجن العجوة مع القرفة والسمنة كويس وبعد كدة نشكل العجوة كرات صغيرة 😍

نقسم العجينة بعد كدة إلى كرات صغيرة متساوية في الحجم وبعد كدة خودي كرة من العجينة وحوطي فيها حشوة العجوة وقفلي الكرة كويس على الحشوة وبعد كدة جيبي صينية الخبز وحوطي فيها الكحك وكملي كل كمية العجينة بالشكل دة😍

بعد لما تخلصي كل الكمية إعملي فيها خطوط بالسكينة عشان يكون شكلها حلو ومميز وبعد كدة إدهني كل الكحك بالحليب ورشي عليه سمسم ودخلي الصينية الفرن على درجة حرارة 180 لمدة 20 دقيقه تقريباً ولما يستوي خرجية من الفرن وسيبية يبرد خالص 😍

قدمي الكحك بعد كدة لكل أفراد أسرتك فى التجمعات العائلية مع الشاي أو القهوة بجد الوصفة حلوة جداً وبسيطة واي حد مبتدأ في المطبخ ممكن يعملها بكل سهولة وإن شاء الله لو جربتيها متأكدة إنها هتعجبك 😍