إفتح في تطبيق كوكبادالخطوات
- 1
هنجيب بوله كبيرة ونحط فيها الدقيق والملح والسكر ونقلبهم مع بعض ونبدأ نزود الماء بالتدريج حسب ما تحتاج العجينة
ونفضل نعجن حبة
(اهم حاجه قوام العجينة يبقى معتدل لا ناشفة قوي ولا طرية)
هنغطيها ونسيبها على جنب لمدة ١٠ دقائق - 2
هنجيب صينية مستطيله ونحط فيها زيت
ونقسم العجينة ل ٤ قطع ونكورهم ونحطهم في الصينية ونحط زيت من فوق بالشكل ده ونغطيها ونسيبها شوية
كل ما نسيب العجينة اكتر كل ما كان فردها أسهل
- 3
في الوقت ده هنجهز الحشو هنقطع صدور الفراخ مكعبات ومعاها فلفل رومي والتوابل ذي ما تحبي [المتوفر عندك ] وزيتون
وفي طاسه على النار هنحط فيها زيت او سمنه ونحط الفراخ والفلفل والتوابل بالشكل ده
- 4
هنبدأ نفرد الفطير بتاعنا هنحط زيت على الرخامه ونحط العجينة ونفردها نص فرده
هنعمل اول اتنين
ونسيبهم ٥ دقائق
- 5
في الوقت ده هنفرد الفطيرة بشكل كامل على قد ما نقدر
ونحط على كل واحدة معلقتين سمنه ونقفلها كده
- 6
هنجيب صينية مدوره ونحط فيها اول فطيره ونفردها فيها كويس
ونحط الحشو بتاعنا (الفراخ واي نوع جبنة متوفر واي حشوه حابه تحطيها)🥰
- 7
آخر حاجه هنحط الفطيرة الثانية من فوق ونحاول نقفلها كويس من تحت ونفردها على قد ما نقدر وده الشكل النهائي قبل ما تدخل الفرن
- 8
هنعمل الباقي بنفس الطريقه
المقادير دي عملت منها فطيرتين
وده الشكل النهائي وبألف هنا 🥰😍
وصفات مشابهة
وصفات ننصحك بمشاهدتها
التعليقات