إفتح في تطبيق كوكبادالخطوات
- 1
هنجيب طبق نحط فيه المكونات الجافه(الدقيق والبيكنج بودر ورشة ملح)ونقلبهم مع بعض كويس ونسيبهم على جنب
ونشغل الفرن لحد ما نجهز الكيكة
- 2
في الخلاط هنحط كباية حليب والزيت والسكر وظرف الكريم كراميل البودرة ومعلقتين كبار حليب بودرة (اختياري) لو مش عندك مفيش مشكلة ورشة فانيليا ونضربهم كويس لحد ما يتقل الخليط جداً
هيشيل من الخليط ده كباية في الثلاجه عشان نحطها على الكيكة بعد ما تستوي - 3
في الوقت ده هننزل ببيضتين ومعلقة صغيرة فانيليا ومعلقة كبيرة خل ونضربهم دقيقتين في الخلاط ونصب الخليط ده في بوله او طبق غويط
- 4
هنبدأ ننزل على الخليط بالمكونات الجافه (الدقيق والبيكنج بودر ورشة الملح) بالتدريج ونخلطهم كويس
وهنجيب صينية مقاس ٢٤ او ٢٦ وندهنها سمنه ونصب خليط الكيكه وندخلها الفرن على درجة حرارة ١٨٠ رف وسط
وهنختبر نضج الكيكة بخلة الأسنان
- 5
بعد ما نتأكد انها استوت ونخرجها من الفرن ونسيبها تبرد شوية
بعدين هنسقيها بثلث كوب حليب بدرجة حرارة الغرفه
وهنخرج الصوص اللي في الثلاجه نحطه على الكيكة بالشكل ده
- 6
آخر حاجه هنجيب صوص الكراميل وهنحطه على الكيكة بشكل عشوائي
وهنستخدم خلة الأسنان عشان نعمل الشكل ده
(نزلت بصوص الكراميل بشكل دوائر وبعدين استخدمت خلة الأسنان)
وبس كده وبألف هنا👏😍
وصفات مشابهة
وصفات ننصحك بمشاهدتها
التعليقات