نبدأ بسم الله ونجيب نصف صدر دجاج نقطعو مربعات صغار ثم نقطع البصل الى قطع رقيقة و2سنات ثوم ثم نجيب مقلاة نحط فيها ما ك زيت ونحطها على النار ثم نحط قطع الدجاج على نار قوية

ثم نضيف البصل. والثووم ونقص النار ونقلي ثم نحط ملح وفلفل اسود وعكري حلو وزنجبيل وتوابل دجاج ونقلي الكل مليح ثم نضيف صلصة طماطم جاهزة

نقلي الكل مليح ثم نحط ما ك طماطم مصبرة ونواصل القلي مليح ثم نمرق بماء ساخن ونغطي ونخلي الدجاج يطيب

ثم نجيب نوعية المقرونة ونحط في كسرونة كمية من الماء تغلي مع ما ص ملح ثم نحط المقرونة تغلي حتى تطيب اي تستوي ثم نصفيها في كسكاس

مباشرة نضيف كمية المقرونة على الصلصة تاعي ونخليها تتشرب ونحط جبن غوريار وجبن شيدار ونغطي ونخليهم يذوبو تماما

بعد ماذابو تماما نخلط مليح دون مانضيف كريمة فريش ونطفي النار عليها

فالاخير نجيب صحن تقديم ونخرج كمية الباستا ونزينها بمعدنوس مقطع وقطع من حين شيدار جات بزاف بنينة نتمنا تجربوها