إفتح في تطبيق كوكبادالخطوات
- 1
في بولة هنضيف فيها الدقيق ومعلقة صغيرة سكر ونصف ملعقة ملح ونقلبهم كويس ونبدأ ننزل بالمية بالتدريج حسب حاجه العجينة هنعجن لمدة ١٠ دقائق لغاية ما نحصل على عجينه متماسكة
(لما نعجنها كويس ده هيفرق جداً في الفرد)ونغطيها ونسيبها تختمر لمدة نص على الأقل - 2
في الوقت ده هنجهز الفراخ: هنقطع صدور الفراخ قطع صغيرة جداً
في طاسه على النار هنحط فيها زيت او سمنه وننزل بقطع الفراخ لغاية ما تأخذ لون وننزل ببصله متقطعه وفلفل ونقلبهم مع بعض حبةحلوين وهنضيف التوابل اي نوع موجود عندك(فلفل اسود وتوابل فراخ وبابريكا وثوم بودر وملح) وآخر حاجه هننزل عليهم بطماطم متقطعه ونسيبهم لغاية ما يتسبكوا مع بعض وبس كده وهنطفي النار عليهم
- 3
في الوقت ده هنجيب صينية ونحط فيها زيت ونقطع العجينة ل ٣ قطع وندهنهم بالزيت ونغطيهم ونسيبهم لمده ثلث ساعة بالشكل ده
- 4
بعد كدة هنبدأ نفرد العجينة
على الرخامه هنضيف زيت ونفرد العجينة نص فرد بالشكل ده
ونسيبها ١٠ دقائق
- 5
في الوقت ده هنفرد العجينة بشكل كامل على قد ما نقدر ونطبقها وهنضيف معلقتين سمنه عشان الفطير يبقى مورق
- 6
هنطبق العجينة بالشكل ده على شكل مستطيل
ونضيف الفراخ وجبنه موزاريلا وزيتون وحبة البركة وندخلها الفرن
- 7
اول ما تستوي كويس من تحت وتأخذ لون من فوق هنخرجها من الفرن
وده الشكل النهائي وبألف هنا ✅️✅️🍕
وصفات مشابهة
وصفات ننصحك بمشاهدتها
التعليقات