نبدأ بسم الله ونجيب 2كويس دجاج نغسلهم ونضفهم مليح ثم نحيلهم العظم تاعهم ونجيب كذلك صح نحط فيه كمية من لحم مفروم

نجيب صحن نحط فيه 2م ك زيت ونحط تابل دجاج وزنجبيل وعكري حلو وفلفل اسود وم ص طماطم مصبرة وم ص ملح ونخلط مليح ثم ونحط الكويس تاعي بعد مارققتو مليح فوق ورق بلاستيكي بالمرقة تاع اللحم

نجيب الخلطة ونطلي الكويس من داخل مليح ثم نرجعو من برا ونطليه مليح ونغلقو بورق شفاف ونحطو في الثلاجة مدة ساعة يتمارينا مليح

نرجع نجيب كسرونة نحط فيها ما ء يغلي ونحط نصف كاس ارز بسمتي يغلي ونطيبو نصف طياب

بعد ماطاب الأرز نصفيه مليح ونخليه في كسكاس ثم نرجع نتبل اللحم المفروم نحط فيه معدنوس مقطع وملح وتابل اللحم وسنات ثوم وراس الحانوت

نضيف حبة بيض صغيرة اللحم ثم نحط كمية الأرز في خليط اللحم ونخلط مليح ونجيب الكويس تاعي نعمل كرة من الحشو ونحطها فوق اللحم ونغلق بالكيس البلاستيكي كما في الصورة ونعقد مليح

ثم نجيب خيوط ونعقد كل خيط مع لي مقابلو ونشكل شكل اليقطينة كما في الصورة ونكمل الكويس الثاني بنفس الطريقة

نجيب مول يدخل الفرن معمر فيه الماء ونشكل صحن من ورق الالمنيوم ونحط فيه الكويس فارسي وندخلو يطيب مدة 50د ومانفتحش عليه حتى يطيب تماما

بعد ماطاب نخرجو ونقص الخيوط وننزع الورق شفاف من اللحم ونشعل عليه من فوق يتحمرو ونخرجهم ونحليهم الخيط والورق اشفاف ونرجعهم يتحمر من فوق مليح

بعد ذلك نجيب كمية اللحم المرحي لي خليتها فالاول نشكلها كرات ونحضر المرق لي راح نقدمو ثم نجيب طنجرة نحط فيها قطعة دجاج اختياري ونحط بصلة مرحية وسنات ثوم وم ص ملح ومعدنوس مقطع وكركم وتابل دجاج وم ك زيت ونحطها على النار تتقلى مليح ثم نضيف لها كمية. من الزيتون الاخضر ونضيف كرات الكفتة ونقلي مليح ونمرق بالماء

بعد ماطابو ليكويس فارسي نخرجهم من الفرن ونخطهم في صحن التقديم

فالاخير نزين الصحن يمرق الزيتون والكفتة فالجوانب ونزينو بشريحة ليمون ومعدنوس فوق كل كويس ونقطعو من المثل عند الاكل جاء بزاف بنين نتمنا تجربوه وصفة رمضانية بامتياز