نبدأ بسم الله ونجيب نصف صدر دجاج نقطعو مربعات ثم نرحيه فالاشوار ونرحي كذلك كمية من الزيتون الاخضر ونضيف ربع حبة بصل والثوم مرحيين

نضيف المعدنوس المقطع ونحط ملح وفلفل اسود ونكون ضروري وم ك زبدة وعكري حلو وحار ونخلط المكونات مليح مع بعض ثم نجيب القليل من الزيت ونشكل اصابع من الدجاج ثم نجيب مقلاة نحط فيها كمية من الزيت

بعد ما غلات الزيت مليح نحط الاصابع تتقلى من كل الجوانب على نار متوسطة ونبقا نقلب فيها حتى تطيب اي تستوي ونقليها حمراء

بعد ذلك نحط اصابع المرڨاز فوق ورق ماص ونخليها على جنب ونرجع بنفس المقلاة نقص منها كمية الزيت ونضيف صلصة طماطم نحط عليها رشة ملح وفلفل اسود وعكري حلو

نضيف كاس ماء وكمية من زيتون شرائح اخضر ومعدنوس مقطع ونخليها تطيب اي تستوي مليح ثم نضيف اصابع الدجاج ونخليهم يغلو فالمرق

بعد ذلك نضيف 2حبات بيض ونفطي وخليهم يطيبو مليح ثم نجيب صحن التقديم ونحط فيه اصابع الدجاج وفالوسط نحط حبات البيض والمرق تاعي ونزينو بمعدنوس مقطع

فالاخير شكل الطبق تاعي جاء بزاف بنين