عندي فرخه ضفتها كويس وقطعتها وعملت فيها فتحات صغيره بالسكينه عشان التتبيلة توصل كويس جوه الفرخه

هنجيب طبق غويط نحط فيه دقيق وملح وعصير نصف ليمونه او ليمونه كامله وميه ونقلبهم كويس وده هيبقى خليط هنسيب فيه الفرخه شوية عشان نشيل اي ريحة للفرخة
لغاية ما نجهز التتبيلة

في الخلاط او الكبة هنحط الطماطم والبصل والزيت والفلفل وباقي التوابل بتاعتنا ونضربهم كويس وده شكل التتبيله

هنشطف الفراخ كويس وننشفها ونحطها في التتبيلة ونتأكد ان التتبيلة وصلت للفراخ من جوه وبس كده هنسيبها من ساعتين لفيما بعد

هنجيب صينيه ونحط فيها ورقة الومنيوم او على الشبكة لغاية ما تاخد لون وتستوي بالشكل ده ونقدر نزود عليها من التتبيلة من وقت للتاني
وده شكلها النهائي وبألف هنا 😍👏👏