ترونش باتسري ذوق القهوة والشكولا
إفتح في تطبيق كوكبادالخطوات
- 1
نبدا بسم الله ونجيب ريسبسيون نحط فيه 4بيض ورشة ملح وكاس وربع سكر ونجيب ريسبسيون آخر نحط فيه 2كاس الا ربع فرينة ونرجع نخلط البيض مع السكر جيدا
- 2
ثم نجيب كسرونة نحط فيها كاس ماء مع كاس الاربع زيت ونحطها عالنار كي تغلي نطفي النار ونرجع للرسبسيون لي حطيت فيه الفرينة نضيف عليه الكاكاو والبيكروبونات وخميرة الحلوى ونخلطهم مليح ثم نفرغهم على خليط البيض والسكر
- 3
نخلط الكل مليح ونضيف خليط الماء والزيت عليهم ونخلط الكل مليح
- 4
نجيب سينة فرن نحط عليها ورق طهي العادة السينية 30/40ونفرغ خليط الكيك فيها نسويه مليح ونشعل الفرن يسخن مسبقا وندخل الكيك يطيب حتى ينشف من تحت نشعلو من فوق ونحرجهم ونخليه يبرد ثم نقسمو على 2اجزاء
- 5
نجيب سارسو شكل مستطيل ونحط ورق طهي من تحت وسات دوتارت مستطيلة ونحط الجزء الاول من الكيك ونرجع نحضر الكريمة نحط في ريسبسيون 2كاس شانتي وكاس حليب وكاس قهوة ونبدا نطلع مليح حتى تطلع مليح نضيفلها م ك شكولا الطلي ونخلط مليح
- 6
نفرغ نصف كمية الكريمة فوق الكيك ونسويه ثم نحط الجزء الثاني ونفرغ باقي الكريمة ونسوي السطح مليح ونخلي كمية من الشانتي للتزين فالاخير وندخل الكيك المجمد ليلة كاملة
- 7
نحضر الڨناج تاعي نحط في كسرونة كاس الاربع حليب و3م ك زيت و3م ك شانتي نحطهم عالنار كي يغلو نطفي النار ونضيف عليهم الشكولا السوداء وبالحليب ونخلط ثم نخرج الكيك من المجمد ونفرغ عليه الڨناش تاعي ونسويه مليح ونرجعو المجمد يتماسك
- 8
نخرجو من المجمد ونفتح هذاك السارسو ونجيب سكين نحط في ماء يغلي ونقص حبات الكيك تاعي ونزينهم فالاخير بوردات من الشانتي
- 9
فالاخير نحط حبات الكيك فوق سودوتارت ونقدمهم في سهرات رمضانية خصوصا لعشاق القهوة والشكولاتة
الكوكسناب
وصفات مشابهة
وصفات ننصحك بمشاهدتها
التعليقات (2)