نبدا بسم الله ونجيب نصف لتر حليب نحط عليه م ك نشااء وعلبة فلان ذوق فراولة و2م ك سكر ونخلط بارد في بارد ونحطها فوق النار حتى تثقال لكن مش بزاف

نطفي النار ونفرغ الخليط فالفيرين تاعي ونحطهم فالثلاجة يبردو ونقص حوالي كاس صغير نحطو فالمجمد حتى يجمد

بعد ذلك نقص حبات من الفراولة الى قطع صغيرة ونخليها ثم نخرج لفيرين من الثلاجة ونحط كمية من الفراولة في كل فيرين ثم نجيب ريسبسيون نحط فيه 3م ك كرام شانتي ونضيف عليها كمية الفلان لي حطيتو تجمد

نحفف كلش بالباتور ونضيف قليل من عطر الفراولة لنعزيز اللون و الذوق ونخلط مليح ثم نجيب كيس بلاستيكي نحط فيه لدوي لي فالصورة ونعمر الكريمة فيها

نحط كمية من الكريمة في كل فيرين ونزين فالاخير لحبات فراولة واذا اوفر توبينغ فراولة تقدرو تحطوه من فوق

الشكل النهائي لتحلية الفراولة او تحلية السعادة جات بزاف هايلة