نبدا بسم الله ونجيب من كسرونة نحط فيها الحليب ثم نضيف السكر والنشاء ونخلط بارد في بارد ونضيف عطر الفراولة ونخلط ثم نحطها عالنار

بعد ما ثقالت نطفي النار ونجيب المول الاسطورى ونحط فيه بسكويت طبقة اولى ثم نحط نصف الكريمة

ثم نحط طبقة من البسكويت ونكمل باقي الكريمة ونسويها وندخلها تجمد ثم نحضر سيبر كرام ونجيب كسرونة نحط فيها كاس الاربع ماء وم ك سكر وعلبة فلان ذوق فراولة ونحطها عالنار كي تغلي نطفي النار

نكون وجدت من قبل كمية مليحة من الفراولة نقطعها مربعات صغار ثم نضيفهم فالكسرونة ونخلط ونخرج التحلية من المجمد ونفرغ الخليط مباشرة عليهم

فالاخير نخرج المول من الثلاجة ونزينو بانصاف حبات من الفراولة ونخليها لوقت التقديم ونقطعها الى مربعات واذا كانت متوفرة كرام شانتي تقدرو تعمل وردات بالشانتي ثم تحطو انصاف حبات الفراولة