نبدا بسم الله ونجيب قطع من لحم الخروف نقطعها ستيك ونغسلها ثم نحطها فوق بلاستيك ونرققها بالمطرقة الخاصة باللحم ثم نحطها في صحن

نرش عالستيك ملح وتابل دجاج ونخليهم لوقت نقليهم نجيب مقلاة نحط فيها 2م ك زيت ونخليها تسخن ونحط الستيك فالمقلاة عالنار فالاول تكون النار متوسطة نقلبها من الجهتين ثم نقص النار ونخليه يتقلا مليح حتى يطيب تماما

نجيب حبة بطاطا وحبة طماطم نقطعها الى شرائح ونقطع البطاطا الى شرائح طوليا ونقلي البطاطا أولا ثم شرائح الطماطم

نجيب صحن التقديم نحط فيه البطاطا المقلية ثم نحط شرائح الطماطم ثم نحط ستيك اللحم