نبدا بسم الله ونقطع جميع الخضروات الى مربعات ثم نجيب مقلاة نحط فيها زيت ونحطها تسخن نقلي فالاول البطاطا

ثم نقلي بعد ذلك الجريوات ونحط البطاطا في صحن ثم نضيف على الجريوات الفلفل الحلو والحار ونقص النار و نخليهم يتقلو مليح مع الملح ثم نضيف حبة طماطم مرحية ونقلي الكل مليح

بعد ذلك نجيب نفس المقلاة ونحط فيها م ك زيت ونضيف البصلة المرحية ونخليها تتقلى ثم نضيف عليها ربع صدر دجاج مرحي نقلي مليح ونحط ملح وفلفل اسود وتابل دجاج وعكري حلو ونقلي مليح حتى يطيب الدجاج

بعد ماطاب الدجاج نضيف الخضروات لي طيبتها قبل ونخلط الكل مليح ونطفي النار ونضيف 3م ك جبن طري ونخلط ثم نجيب حبة بيض نضيفلها نصف كاس حليب ونخلط مليح

نجيب مول يدخل الفرن ونفرغ خليط الخضار والدجاج فالمول ثم نفرغ عليه خليط البيض والحليب نشعل الفرن يسخن ونحط المول فيه حتى يطيب هذاك البيض ونشعل عليه من فوق بعد ما حطيتلو كمية من الجبن المبشور ونشعل عليه من فوق يذوب الجبن

فالاخير نقدم الڨراتان تاعي في صحن التقديم. جاء بزاف بنين وخفيف كوجبة سهلة وصيفية