نبدأ بسم الله ونجيب ربع صدر دجاج نرحيه ثم نقطع حبة بصل وسنات ثوم نرحيهم فالاشوار

نجيب مقلاة نحط فيها ما ك زيت ونحط البصل على النار حتى يبدا يتقلى نحط عليه الدجاج المرحي ثم نقطع معدنوس

نخلط الدجاج ونضيف ملح وفلفل اسود وتابل دجاج وعكري حلو وزنجبيل ونقلي مليح ونخلي الدجاج يطيب ثم نطفي عليه ونضيف معدنوس مقطع وزيتون اخضر مقطع رقيق ونحط ما ص هريسة ونخلط مليح

ثم نحط جبن موازريلا ونحطو على جنب حتى نحضر العجينة في ريسبسيون نحط فنجان ماء دافئ مع فنجان حليب دافئ ونحط ما ك سكر وم ك خميرة الخبز ونخلط مليح

نضيف بياض بيضة ونصف كاس زيت ونخلط ثم نحط نصف فنجان سميد رقيق ونخلط الكل مليح ونغطي ونخليه يتخمر مدة 10 دقيقة ثم نبدأ نضيف في الفرينة بنفس الفنجان لي خدمنا بيه فالاول حتى نلم العجينة

نضيفلها ما ك زبدة ونعجنها مليح ونغطيها ونخليها تختمر مليح

نهبط الخمور العجين تاعي ثم نشكلو حربوش ونقسمو الى 8او 9كرات نغطيهم بورق شفاف ونبدا نحل بالكرة نرش طاولة العمل ونحل الكرة الاولى ثم نجيب شوكة ونشكل 7اشكال السومة كيما اي مثل في الصورة

نقطع بالسكين ثم نشكلهم كما في الصورة ونقلب العجين تاعي ونحط كمية من الحشو

نبدأ نغلق ونلف مليح كما في الصورة ثم نشكلها هلال حتى نكمل كامل الحبات بنفس الطريقة

نخليهم يختمرو ثم ندهنهم بصفار البيض مع ما ص حليب ونشعل الفرن من قبل يسخن وندخلهم يطيبو من تحت ثم نشعل لهم يتحمرو من فوق ونخرجهم ونغطيهم بطرشونة

فالاخير شكل مملحات الهلال جاو بزاف بنان قدمتهم مع حساء الخضر كما يمكن تقديمهم مع حريرة