نبدأ بسم الله ونجيب طنجرة نحط قطعة دجاج او لحم ونضيف عليها البصل والثوم مرحيين ثم نحط معدنوس وم ك زيت وملح وفلفل اسود وزنجبيل وراس الحانوت وتابل اللحم ثم نحط كمية. من الزيتون الاخضر في كسرونة ونضيفلها ماء ونحطو على النار يغلي ثم نجيب صحن نحط فيه كمية اللحم المفروم ونضيف عليه معدنوس مقطع ونفس توابل المرق ونحط عليه حبة بيض

نخلطو مليح ونضيف ما ك ناعم الفريك ونخلط مليح ونحط الطنجرة على النار تتقلى مليح ثم نشكل اللحم المفروم الى كرات من الكفتة

نقلي المرق تاعي مليح ونحط ما ص طماطم مصبرة ونقلي ثم نضيف كمية الزيتون بعد ماتخلص من الملوحة تاعو ثم نحط حبات الكفتة ونمرق بماء ساخن ونغلق الطنجرة ونخليها تطيب اي تستوي

نضيف الماء ونخلي الكفتة والزيتون يطيبو مليح

نحط حبة فلفل حار بعد ماطابت ونخلي المرق يثقال ونجيب صحن التقديم ونحط الدولمة تاعي

شكل الطبق تاعي النهائي جات بزاف بنينة قدمتها مع كسرة خميرة