نبدا بسم الله ونجيب ريسبسيون نحط فيها 4حبات بيض مع رشة ملح وم ك فانيلا وكاس سكر ونخلط مليح ثم نضيف كاس زيت ونواصل الخلط مليح ثم نبدا نضيف فالفرينة و2كيس خميرة الحلوى

بعد ما تحصلت على عجينة نضبفلها نصف كاس كاوكاو محمص ومرحي ونخلط مليح ونشكلها عجينة

نجيب سينية فرن نحط فيها ورق طبخ ونشكل 2حربوش في كل سينية ثم نجيب مربى المشمش وندهنو مليح عالسطح ثم نحط فارميسال شكولا

نشعل الفرن يسخن من قبل ونحط الكروكي يطيب من تحت ثم نشعل من فوق يتحمر مليح ونخرجو ثم نجيب سكين حادة ونقسمو مباشرة ونخليه يبرد

فالاخير شكل الكروكي تاعي بذوق الكاوكاو جاء بزاف خفيف وهشيش يقدم مع فطور الصباح اوقهوة العصر