نبدا بسم الله ونجيب ريسبسيون نحط 2بيض مع رشة ملح و9م ك سكر وم ك فانيلا ونخلط مليح ثم نضيف 9م ك زيت ونواصل الخلط

بعد ذلك نحط 9م ك حليب دافئ ونخلط مليح ثم نحط 2م ك نشاء و9م ك فرينة مع كيس ونصف خميرة الحلوى ونخلط مليح ثم ناخذ كمية من الخليط نضيفلها م ك كاكاو بني

نجيب المول الاسطوري وندهنو بالزبدة ونرشو بالفرينة مليح ونقسم الخليط الابيض الى قسمين نفرغ الجزء الاول ثم نحط الخليط البني فالوسط ونعمل حل بالسكين

ثم نفرغ الخليط المتبقي فالوسط حتى يتفطي كامل الخليط البني ونجيب كيردون ونعمل خطوط ونكون سخنت الفرن من قبل وندخل الكيك يطيب من تحت حوالي 20د ونشعل عليه من فوق يتحمر مليح وراح يتشفق فالوسط نخرجو ونخليه يبرد

نقلب الموسكوتشو من المول ونحطو من فوق ونخليه يبرد ثم نزينو بخطوط من شكولا الطلي ولوز ايفيلي محمص

فالاخير شكل الموسكوتشو او الكيك تاعي نخليه يبرد تماما ونقطعو الى قطع بسكين منشاري ونقدمو مع قهوة العصر او مع فطور الصباح