نبدا بسم الله ونجيب ريسبسيون نحط فيه كاس حليب دافئ مع كاس ماء دافئ ونحط م ك سكر وم ك خميرة الخبز ونخلط مليح ثم نضيف بياض حبة ونصف كاش سميد ونخلط مليح ونغطي ونخليها تختمر مدة 10د

بعد. ذلك نحط نصف كاس زيت ونخلط ونبدا نحط فالفرينة وم ص ملح ونلم حتى نتحصل على عجينة طرية نوعا ما

نلمها ونغطيها ونخليها تختمر ثم نحضر صلصة طماطم نجيب حبات طماطم نقطعهم ثم نحط سنات ثوم وحبة بصل صغيرة وفلفل اسود وراس الحانوت وم ك زيت ونحط الصلصة تطيب ونضيفلها م ك طماطم مصبرة ونخليها تطيب مليح ثم نرحيها بالبرا ميكسار

ثم نجيب زيتون اخضر نقطعو رقيق ونضيف عليه كمية مليحة من الجبن الطري ونخليها على جنب بعد ما اختمرت العجينة نقسمها على 2 والقسم الاول نشكلو الى 7 كرات ونحطها على سطح العمل

نشكلهم كرات ونحطها فوق بلاستيك ونرجع نرش سطح العمل بالفرينة ونحل الكرة الاول

نعمل خطوط بالسكين ثم نحط م ك من صلصة الطماطم ثم م ك من الزيتون والجبن ثم جبن مبشور ونغلق ونلف الحبة ثم نحطها فوق ورق الطهي

ثم نجيب باقي الكرات ونشكلهم خبيزات ونخليهم يتخمرو مرا أخرى ثم ندهنهم بصفار البيض ونرش عليهم سينوج

يكون الفرن مسخن مسبقا ندخل المملحات يطيبو من تحت ثم نشعل لهم من فوق يتحمرو مليح ونخرجهم ونغطيهم بطرشونة

فالاخير شكل المملحات تاعي جاو بزاف خفاف اما القسم الثاني من العجينة احتفظت بيه في كيس بلاستيكي وحطيتو فالثلاجة للغد نحضر بيه سينية بيتزا