نبدأ بسم الله ونجيب ريسبسيون نحط فيه 2بيض مع رشة ملح وكاس الاربع سكر ونخلط مليح بالخلاط الكهربائي ثم نضيف نصف كاس زيت على شكل خيط ونواصل الخلط ثم نضيف كاس عصير البرتقال ونواصل الخلط ونحط ما ك مربى البرتقال ونخلط مليح

نكمل الكاس الثاني من الفرينة ونضيف ما ك اخرة من الفرينة ونخلط مليح ثم نجيب مول موسكوتشو ندهنو بالزبدة ونرشو في الفرينة ثم نفرغ فيه خليط الموسكوتشو ونشعل الفرن من قبل يسخن وندخل الموسكوتشو تطيب اي تستوي

بعد ماطابت من تحت نشعل لها من فوق تتحمر ونخرجها ونخليها خوالى 5 دقائق ثم نقلبها فوق سو تارت نخليها تبرد تماما

الان نجيب كسرونة نحط فيها كاس عصير البرتقال وم ك سكر وم ك نشاء ونخلط بارد في بارد ونحطها فوق النار ونضيفلها ما ص عطر البرتقال انا ماكانش متوفر عندي ماضفتوش يستحس اضافتو لتعزيز اللون والذوق

نطفي عالكريمة النار ونضيفها فوق الموسكوتشو ونخليها تبرد ثم نزينها بخطوط من شوكولاته الطلي والقليل من القطايف المحمصة وكذلك بشريحة من البرتقال نقطعها صغيرة

فالاخير شكل الموسكوتشو تاعي جات بزاف خفيفة وذوق البرتقال اعطاها نكهة لذيذة عكس موسكوتشو العادية