نبدأ بسم الله ونجيب ريسبسيون نحط فيه 3كا س فرينة مع ما ك سكر وم ك خميرة الخبز ثم نضيف ربع كاس زيت ونخلط مليح ونحط ما ص ثم نبدأ نلم بالماء ونعجن حتى نتحصل على عجينة طرية نوعا ما

نلم العجينة تاعي ونغطيها بورق شفاف ونخليها تختمر

نجيب 3حبات فلفل حلو وحبة فلفل حار وحبة بصل ونقطعهم الى قطع صغيرة

نجيب مقلاة نحط فيها ما ك زيت ونحط البصل فالاول ثم نضيف الفلفل ونحط عليهم ملح وعكري حلو وفلفل اسود وسنات ثوم مرحيين ونقص النار ونخليهم يتقلاو مليح حتى يذبلو تماما ثم نرجع العجينة تاعي بعد ما اختمرت مليح ونجيب صينية فرن ندهنها بالزيت ونحط العجينة بعد ماشكلتها كرة ونحلها على سطح الصينية

نخليها تختمر مرة أخرى ونغطيها بطرشونة ونرجع الحشو بعد ماطاب مليح نطفي عليه النار وكان عندي من قبل فخذ دجاج طايب قمت بتفتيته وضفتو الخليط تاع الخضار

نرجع العجينة ونشكلها كما في الصورة ثم ندهنها بصفار البيض ونحط فالاول الخضار والدجاج في كامل الخطوط ثم نرجع نحط جبن مبشور كما في الصورة ونشعل الفرن يسخن وندخل الفطيرة تطيب اي تستوي من تحت ثم نشعل لها تتحمر من فوق

فالاخير نخرج الفطيرة تاعي ونخليها تبرد تماما ونقطعها الى مربعات ونقدمها مع شربة فريك او حساء خضار