نبدا بسم الله ونجيب ريسبسيون نحط فيه 4علب ياؤرت فلان كرميل وكاس ونصف شانتي وكاس حليب ونخلط حتى تثقال الكريمة

نجيب سو تارت مستطيلة الشكل نحط القليل من الكريمة ثم نجيب 3علب بسكويت نغطسو دخلة خارجة فالقهوة ونحط 8حبات كما فالصورة ثم نجيب كيس حلواني نحط فيه كمية من الكريمة ونحط شكل خطوط

ثم نقطع حبات مشمش رقيقة الحجم ثم نحط طبقة ثانية من البسكويت ونحط الكريمة ثم خطوط من شكولا الطلي

ثم نحط طبقة من البسكويت ونحط كمية من الكريمة فوقها قطع صغيرة من المشمس وخطوط من شكولا الطلي ثم نحط طبقة اخرى من البسكويت مغطوس فالقهوة

ثم نجي للطبقة الاخيرة تاع البسكويت ونحط كمية من الكريمة فالجوانب ونسويها مليح بالسباتيلا وندخلها المجمد حوالي نصف ساعة نوجد شكولا ونحط في صحن علبة شكولا سوداء نحطها على حمام مائي حتى تذوب ونحط القليل من الحليب و م ك زيت وتخلطها مليح ثم نخرج الكيك من المجمد ونشكل خطوط. كما لاير كيك في كامل الجوانب

نرجع نجيب ريسبسيون نحط فيه علبة ياؤو رت ذوق فلان كرميل و2 علب شانتي ونصف علبة حليب ونخفقها مليح ثم نجيب كيس حلواني ونشكل روزاسات كنا فالصورة ثم نعمل خطوط فالوسط

فالاخير نزين الباتسري تاعنا بفراولة قطعها انصاف وحبة مشمش قطعها شرائح رقيقة و القليل من الشكولا شكل اصابع

شكلها بعد ماقطعتها جات روعة