نبدا بسم الله ونجيب ريسبسيون نحط فيها 5كاس فرينة وم ك سكر وم ك خميرة الخبز ونخلطها ونضيف ربع كاس زيت ونخلط مليح

نضيف كاس حليب دافئ مع علبة زبادي ونخلطها مليح مع الحليب ونبدا نضيف فالعجينة ونلم واذا مازالت يابسة نضيف كاس ماء حتى نتحصل على عجينة طرية تقريبا عجينة سائلة ثم نضيفلها م ك زبدة وندخلها فيها مليح ونبقا نعجن حوالي 10 د ونغطيها ونخليها تختمر 3 اضعاف

بعد ذلك نحضر الحشو تاعي نجيب لحم مفروم ونجيب مقلاة نحط فيها 4م ك زيت ونحطها على نار عالية ثم نحط اللحم ونبقا نحرك فيه ونضيف 3حبات طماطم مرحية ونحط عليهم م ص ملح وم ص تابل لحم وم ص راس الحانوت وم ص كمون ونخلط مليح

بعد ماتقلى اللحم مليح نضيف صلصة الطماطم ونقلي مليح ثم نضيف 3سنات ثوم مرحية ومعدنوس مقطع

نرجع البطاطا نغسلها ونقطعها ونقليها ثم نضيفها الى اللحم ونقطعها الى قطع متوسطة كما فالصورة

نرجع العجينة بعد ماطلعت مليح نهبطلها الخمور ونرش سطح العمل بكمية من الفرينة

نلم العجينة ونقطعها الى 13 قطعة ونجيب سينية فرن نحط عليها ورق طهي ونشكل العجينة الى كرات

نبسط الكرات قليلا كما فالصورة ونخليهم حوالي 20د حتى يتخمرو مليح

نرجع العجينة بعد ماتخمرت ندهنها بحبة بيض نزيدلها قليل من القهوة ونطلي الحبات تاعي ونرش عليهم جلجلانية بيضاء ونشعل الفرن يسخن مليح ثم ندخل المملحات يطيبو مليح من تحت ثم نشعل لهم يتحمرو من فوق ونخرجهم ونحطهم فوق طرشونة ونغطيهم

نرجع بعد مابردو الحبات نقسمهم بسكين منشاري ونحط كمية من الجبن طري او هريسة ثم نحط كمية من الحشو بعد ماضفتلو بيض مقلي ونحط في كل حبة كمية مليحة ثم نحط جبن من فوق

فالاخير نكمل كامل الحبات بنفس الطريقة جاء الشواط السوفي بزاف بنين الوصفة الاثرية تتخدم بلحم الجمل لكن عندنا فالشرق مايتوفرش اللحم عوضتو بلحم مفروم عجل نتمنا تجربوها جات بزاف بنينة والخبز جاء بزاف خفيف